話說已經收到 HW Motion Story 嘅Big day video
（算係長文，慎入）
一拆開盒我同老公都 「嘩...」左一聲
好靚嘅木制USB , 好有feel嘅即影即有 , 最愛的手寫咭❤️
又再一次比Henry and Kris嘅驚喜同心思嚇倒
HW初初吸引我嘅地方係佢地對婚攝嘅理念、敬業樂業嘅態度、同埋每一條有heart有汗嘅影片，加上每次po片都會附上精簡而到位嘅caption，令人感到滿滿嘅溫暖
世上無一個wedding係完美，但肯肯定每一個wedding都係獨特
人人big day程序都一樣，但當中嘅過程肯肯定只有切身參與過至能體會
對於每對新人黎講，呢日絕對係一生人只得一次
但對於當日嘅工作人員？係一整天的工作，係其中一單job，係無盡的後期制作⋯⋯
正因為坊間有太多一條龍倒模式婚攝服務，要搵到有心有熱誠嘅婚攝真係要花小小時間
幸運地睇到HW拍嘅same day edit, 睇到一段段感人故事
即使唔認識影片中的新人，透過Henry嘅鏡頭同剪片藝術，透過Kris寫下對婚禮嘅感覺，都能感受當中的喜悅和甜蜜
好記得第一次同佢地見面傾計之後，好快就同Kenny講「HW就係我要搵嘅big day video」
原來我喜歡的，都有某程度相似。
有來見證我倆簽紙的朋友都知道，我地一簽完紙就落雨，突如其來的天氣變化使情況變得有點慌亂。
係晚宴開始前，老公同我講「其實頭先雨中奔走的情景有點似曾相識，好似About time裡面的其中一幕，亂得來好浪漫」
我地無將呢個想法同任何人講過。
第二日，係HW嘅IG就見到以下的caption
『想起《About time》電影裡婚禮的一幕：同是下雨天，狼狽，瘋狂，但美麗而難忘。』 原來我喜歡的，真的都有某程度的相似。
多謝你們的時光機載我倆重遊當天 對於我們，當日所有事情都是匆匆忙忙 全靠你們，讓所有一瞬間的重要畫面都凝結起來，給我們逐格回憶，謝謝❣️ #謝謝堅持繼續拍有溫度的影片的攝影師 #hwmotionstory #weddingvideography @hwmotionstory #👰🏻🌱👲🏻 #funfordoubleleaves
